Íslandsvinurinn Ryan Gosling skrifaði opið bréf til stórverslunarinnar Costco þar sem hann bað verslunina um að hætta að selja egg frá birgjum sem geyma kjúklinga í búrum. Í myndbandi sem nýlega birtist á netinu er sýnt fram á bágar aðstæður fuglanna.

Með þessu tók Gosling undir með samtökunum Humane Society sem birtu fyrrnefnt myndband. Þar hafði maður á vegum samtakanna komið sér í vinnu hjá fyrirtækinu Hillandale og myndað það sem fyrir augu bar. Þar má sjá kjúklingahræ rotnandi í búrum með lifandi fuglum auk þess sem búrin voru yfirfull og grútskítug.

Costco selur egg frá Hillendale en í bréfi sínu sakar Gosling verslunina um blekkingar með því að selja eggin í pakkningum með myndum af frjálsum fuglum.

Costco hefur ekki svarað bréfi Gosling en bæði Costco og Hillandale hafa gefið frá sér yfirlýsingu í kjölfar myndbandsins. Hillandale sagði þetta vera einstakt tilfelli þar sem það hefði verið á ábyrgð „starfsmannsins“ sem tók upp myndbandið að hreinsa búrin. Það hafi hann hins vegar ekki gert.

Þá sagði Costco að við nýlega athugun hefði komið í ljós að aðstæður væru viðundandi hjá Hillandale.

Líkt og kunnugt er verður Costco verslun opnuð í Garðabæ á næsta ári. Þá hefur mbl greint frá því að sú verslun verður á veg­um breska Costco, sem er dótt­ur­fé­lag Costco Who­les­ale Corporati­on og nefn­ist Costco Who­les­ale United Kingdom Ltd.

Þetta er ekki í fyrsta skipti sem Gosling lætur sér dýravelferð varða en hann hefur áður beðið svínabændur um að láta svínin ekki vera í troðnum búrum.

Gosling bað Costco um að selja egg frá frjálsum fuglum.

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• Blogga um frétt