Rússneski auðjöfurinn Andrey Melnichenk er að smíða stærstu snekkju heims. Hún verður um 147 metrar að lengd og þar með töluvert lengri en hefðbundinn fótboltavöllur.
Nýja snekkjan á að heita „White Pearl“ samkvæmt heimildum CNBC og verður á þremur hæðum, með stórri sundlaug og eiga teikningar hennar helst að minna á skipin úr „Pirates of the Caribbean“ kvikmyndunum.
Í dag er talið að snekkjan „Maltese Falcon“, sem er í eigu bandaríska milljarðamæringsins Tom Perkins, sé sú stærsta í einkaeigu en hún er um 88 metra löng og bliknar þar með í samanburði við þá nýju.
Melnichenko er metinn á um 8,4 milljarða dollara en hann stofnaði m.a. áburðarverksmiðjuna Eurochem, kolafyrirtækið Suek og orkuveituna SGK.