Bankaráð Landsbankans og stjórn Sparisjóðs Norðurlands samþykktu í gær samrunaáætlun félaganna. Samruninn verður að veruleika í ágúst ef samþykki fæst frá eftirlitsaðilum og stofnfjárfundi.
Þetta kemur fram í tilkynningu frá Landsbankanum.
Við samrunann munu allar eignir og skuldbindingar sparisjóðsins renna inn í Landsbankann og hann tekur við rekstri allra útibúa sjóðsins. Stjórn Sparisjóðs Norðurlands leitaði til Landsbankans þann 9. júní til að kanna áhuga á samruna vegna óvissu um framtíð sjóðsins.
Hinn 19. júní sl. gerði Sparisjóður Norðurlands samkomulag við Landsbankann um að hefja undirbúning að fjármálafyrirtækjanna undir merkjum Landsbankans.
Eiginfjárhlutfall Sparisjóðs Norðurlands var 8,2% í árslok 2014 sem er undir þeirri eiginfjárkröfu sem Fjármálaeftirlitið gerir til sparisjóðsins.
Gert er ráð fyrir að heildarendurgjald Landsbankans til stofnfjárhafa verði 594 milljónir króna, þó að teknu tilliti til niðurstöðu áreiðanleikakönnuna.
Frétt mbl.is: Rennur inn í Landsbankann