Af þeim 11 skiptum sem hlutabréf félaga hafa verið tekin til viðskipta á Aðallista í Kauphöll Íslands frá árinu 2011 er einungis í tveimur tilvikum sem umsjónaraðili útboðsins er ekki seljandi hlutabréfanna.
Sérfræðingar Capacent hafa bent á að hagsmunaárekstrar kunni að skapast þegar sami aðili er umsjónaraðili við skráningu og útboð og er jafnframt seljandi, eins og greint hefur verið frá í Morgunblaðinu.
Slíkt fyrirkomulag sé til vitnis um óþroskaðan hlutabréfamarkað á Íslandi og að ólíklegt væri að þessi vinnubrögð myndu sjást í nágrannalöndum, segir í umfjöllun um mál þetta í ViðskiptaMogganum í dag.