Ikea hefur búið til eldhús ársins 2025. Eldhúsið var hannað í samstarfi við nemendur í iðnaðarhönnun við Ingvar Kamprad hönnunarmiðstöðina í háskólanum í Lund og nemendur í sama fagi við tækniháskólann í Eindhoven. Niðurstaðan er til sýnis á EXPO ráðstefnunni í Mílanó.
Eldhúsið er byggt á hinni svokölluðu „Internet of things“ hugmynd sem flestir eru sammála um að verði ráðandi í framtíðinni þar sem hver hlutur verður nettengdur.
Margt er framandi í eldhúsinu. Þar er t.d. engin eldavél og ekki hefðbundinn ísskápur.
Hér er hægt að skoða eldhúsið nánar.
Hér má sjá eitt af boxunum sem heldur matnum við rétt hitastig.
Mynd/Ikea
Enga eldavél þarf til þar sem maturinn er eldaður í pottum og pönnum sem hitna innan frá. Þannig á að vera hægt að hita pottinn hvar sem er.
Mynd/Ikea
Fyrir ofan borðið er skjávarpi sem varpar myndinni á borðið. Undir því er skynjari sem veit hvaða matur þetta er. Skjávarpinn og borðið eru tengd saman og koma með tillögur að uppskriftum. Þá á einnig að vera hægt að para saman matnn sem er til og sjá hvernig uppskrift hentar best.
Mynd/Ikea
Óþarfa búnaður er tekinn úr eldhúsinu þar sem það á að vera lítið og komast vel fyrir í nútímalegum og minni íbúðum.
Mynd/Ikea
Uppskriftum er varpað upp á skjá.
Mynd/Ikea