Brad Pitt skammar Costco

Leikararnir Brad Pitt og Bill Maher hafa tekið undir með Ryan Gosling og gagnrýnt Costco fyrir að versla við eggjabúið Hil­lendale sem fer illa með hænur. Brad Pitt bendir á að forsvarsmenn Costco séu meðvitaðir um að Hillendale troði fimm hænum saman í búr sem rúmar varla eina hænu. 

Líkt og mbl hefur áður greint frá skrifaði Gosling opið bréf til verslunarkeðjunnar fyrr í sumar og bað um að hætt yrði að selja egg frá þessu búi. Gosl­ing tók þannig undir með sam­tök­un­um Huma­ne Society sem birtu mynd­band frá eggjabúinu þar sem rotnandi kjúk­linga­hræ liggja í búr­um með lif­andi fugl­um auk þess sem búr­in eru yf­ir­full og grút­skít­ug.

Leikarinn Bill Maher skrifaði einnig grein í New York Times fyrr í mánuðinum. Hann bað forsvarsmenn Costco um að ímynda sér að fimm köttum eða hundum væri troðið saman í pínulítil búr. Hundruð þúsunda slíkra búra væru geymd í skemmum. Þannig myndu dýrin eyða allri ævinni. Þá benti hann á að fyrirtækið yrði líklega kært fyrir dýraníð ef staðan væri þannig. „Hvað eggjaiðnaðinn varðar eru þetta hins vegar bara talin venjuleg viðskipti,“ skrifaði hann.

Á árinu 2007 lýsti fyrirtækið yfir áhuga á að færa viðskiptin til annars framleiðanda. Það hefur hins vegar ekki verið gert.

Frétt Fortune.

Frétt mbl.is: Gosling biðlar til Costco

• Blogga um frétt