Þrátt fyrir að persónuupplýsingum um á fjórða milljón notendur framhjáhaldssíðunnar Ashley Madison hafi verið lekið á netið bætast enn nýir notendur við.

Mörg hundruð þúsund nýir notendur hafa skráð sig, samkvæmt upplýsingum frá eigandanum,  fyrirtækinu Avid Life Media. Forstjóri fyrirtækisins, Noel Biderman, hætti störfum síðasta föstudag og var það sagt í þágu hagsmuna fyrirtækisins.

Meðal gagna sem lekið var á netið voru tölvupóstar Bidermans. Meðal þeirra spurninga sem vöknuðu í kjölfarið var hversu margar konur væru raunverulega skráðar á síðuna og hvort verið væri að blekkja karla til að skrá sig, haldandi að fjöldi kvenna sæktist eftir sambandi við þá í gegnum síðuna. 

Í tölvupóstunum komu m.a. fram upplýsingar um gerviprófíla, svokallaða Engla Ashley. Í einum póstinum var sagt að starfsmenn væru komnir með ritstíflu á að búa til falska prófíla á konur sem væru ekki til. 

En samkvæmt upplýsingum fyrirtækisins virðist þetta ekki hafa haft áhrif á þorsta fólks í að skrá sig. Fyrirtækið heldur því fram að í síðustu viku hafi konur sent 2,8 milljónir skilaboða í gegnum síðuna.

Frétt BBC um málið.

Tengdar fréttir

Framhjáhaldssíðan Ashley Madison

Framhjáhaldssíða greiðir sekt

• Nýir notendur streyma á Ashley Madison
• Vinsælustu Ashley Madison lykilorðin
• Guðfræðingur og átta barna faðir
• Skoðuðu síðuna fyrir forvitnissakir

» Fleiri tengdar fréttir

• Blogga um frétt