„Kom vangaveltum á framfæri“

Höskuldur Ólafsson, bankastjóri Arion banka.
Höskuldur Ólafsson, bankastjóri Arion banka. mbl.is/Eggert

Höskuldur Ólafsson, bankastjóri Arion banka, sendi Degi B. Eggertssyni, borgarstjóra, og stjórnarráðinu bréf þar sem hann vakti athygli á því að samþykkt um að sniðganga ísraelskar vörur gætu stefnt áformum um fimm stjörnu hótel við Hörpu í uppnám.

Haraldur Guðni Eiðsson, upplýsingafulltrúi Arion, segir að Höskuldur muni ekki veita viðtöl vegna málsins en staðfestir að samskiptin hafi átt sér stað. „Ákveðnum vangaveltum og mögulegum áhrifum málsins var komið á framfæri við Höskuld og hann kom því áfram,“ segir hann.

Fjárfestingin við hótelið nemur um sautján milljörðum króna.

RÚV greindi fyrst frá fyrrnefndum bréfaskiptum en líkt og mbl greindi frá í morgun hefur Rich­ard L. Friedm­an, for­svarsmaður fjár­festa í hótelinu, tekið af allan vafa og sagt áformin standa óbreytt. „Við lát­um öðrum eft­ir póli­tísk úr­lausn­ar­efni, hvort held­ur er á Íslandi eða á alþjóðleg­um vett­vangi,“ segir Friedm­an.

Hagsmunamál fyrir Arion

Þegar greint var frá fjármögnun hótelsins í lok sumars kom fram að Ari­on banki hefði komið að ýms­um hliðum verk­efn­is­ins er snúa að láns­fjár­mögn­un og átt frum­kvæði að aðkomu fjár­festanna, sem eru Cart­penter & Co ásamt Eggerti Dag­bjarts­syni, sem er minni­hluta­eig­andi í Carpenter.

Líkt og fram hefur komið ákvað borgarstjóri á laugardaginn að draga fyrrnefnda tillögu til baka en hún var samþykkt á sl. þriðjudag. Síðan hafa nokkur fyrirtæki, líkt og t.d. Einstök, Icelandic Glacial Water, WOW Air og Icelandair, lýst því að málið hafi þegar haft áhrif á rekstur þeirra. Dagur sagði viðbrögðin hafa verið meiri en hann bjóst við.

mbl.is

Bloggað um fréttina

Svæði

Gagnaveitur

Erlendar viðskiptafréttir