Kynning fer fram af hálfu Seðlabanka Íslands á skýrslunni Fjármálastöðugleiki í dag þar sem staðan í fjármálakerfinu verður kynnt, en meðal efnis skýrslunnar er viðauki um stöðugleikaskilyrði nauðasamninga búa fallinna fjármálafyrirtækja.
Fram kemur á vef Seðlabankans að skýrslan verði kynnt á vef bankans klukkan 10:30 í dag en kynningarfundur fyrir fulltrúa fjölmiðla, fjármálafyrirtækja, atvinnulífs og háskólasamfélags vegna hennar hefst klukkan 10:00 í húsakynnum hans.
Uppfært 8:56: Útgáfu skýrslunnar hefur verið frestað um nokkra daga samkvæmt fréttatilkynningu frá Seðlabankanum.