Milljarðamæringurinn Barry Diller segist ætla að flytja úr landi eða ganga til liðs við andspyrnuhreyfingu ef Donald Trump verður forseti Bandaríkjanna.
Diller er forstjóri IAC/InterActiveCorp samsteypunnar sem á meðal annars Match.com, The Daily Beast og HomeAdvisor.com. Samkvæmt Forbes er hann metinn á 2,5 milljarða Bandaríkjadala, eða sem jafngildir 315 milljörðum íslenskra króna.
Í samtali við Bloomberg segist hann hins vegar ekki hafa miklar áhyggjur af þessu og telur mjög ólíklegt að Trump verði kjörinn. Diller segist tilbúinn að veðja á að svo verði ekki.
Hann líkir framboðinu við raunveruleikaþátt sem þrífst á átökum. Aðspurður um mögulegar ástæður fyrir vinsældum Trumps vildi hann ekki eigna honum eitt né neitt og sagði hann einungis vera andstyggilega persónu sem þrífst á því að gagnrýna annað fólk
Hér má lesa viðtalið í heild.