Sölu lokið á skuldabréfum hjá Eik

Fyrirtækjaráðgjöf Arion banka hf. hefur lokið sölu á nýjum skuldabréfaflokki Eikar fasteignafélags hf., EIK 15 1 að því er segir í fréttatilkynningu.

Þar segir að skuldabréfaflokkurinn sé 3,3 milljarðar króna að stærð, beri 3,3% fasta verðtryggða vexti og sé til 30 ára. Skuldabréfaflokkurinn var seldur á pari. Ennfremur kemur fram að útgáfan sé liður í endurfjármögnun vaxtaberandi skulda Eikar samstæðunnar. Félagið hafi í september greitt upp lán við LFEST1 sjóð í eigu Stefnis hf. sem borið hafi 4,95% fasta verðtryggða vexti.

Stefnt sé að skráningu skuldabréfaflokksins EIK 15 1 á Aðalmarkað Nasdaq Iceland hf. og muni Fyrirtækjaráðgjöf Arion banka hf. hafa umsjón með fyrirhugaðri skráningu.

• Blogga um frétt