Björgólfur Thor Björgólfsson segir þráhyggju Vilhjálms Bjarnasonar eiga sér lítil takmörk. „Með hana að vopni sér hann rangfærslur og svik þar sem sérfróðir rannsakendur sjá ekkert aðfinnsluvert. Það er illt að dómskerfið þurfi að eyða tíma sínum í slíkan málatilbúnað.“

Þetta segir Björgólfur í nýrri bloggfærslu á vefsíðu sinni. Hann segir störfum hlaðið dómskerfi Íslands nú þurfa að bæta á sig duttlungum Vilhjálms. „Mál sem hann og málsóknarfélag hafa höfðað gegn mér verður væntanlega þingfest í Héraðsdómi Reykjavíkur á morgun.“

Líkt og mbl greindi frá í morgun hafa yfir 200 manns skráð sig í fyrrnefnt málsóknarfélag.

Björgólfur segir málefni sín og bankans hafa verið rannsökuð í þaula af þar til bærum yfirvöldum og að ekki hafi verið talin ástæða til aðgerða í nokkru þeirra. „Þar að auki hef ég gert upp allar mínar skuldir við bankann og hann því skaðlaus af viðskiptum við mig,“ segir hann.

„Slitastjórn bankans hefur staðfest að hann eigi engar kröfur á mig. Misfærslum í skýrslu rannsóknarnefndar hef ég svarað ítarlega enda hef ég ekkert saknæmt unnið,“ segir Björgólfur.

Tengdar fréttir

Hópmálsókn gegn Björgólfi

Fallist á vanhæfiskröfu Björgólfs Thors

• Málið gegn Björgólfi tefst vegna meints vanhæfis
• Aðalmeðferð í máli gegn Björgólfi á næsta ári
• Hópmálsóknin aftur til héraðs
• Hópmálsókn gegn Björgólfi vísað frá

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: HANN ÞARF ÖRUGGLEGA MEIRA EN HER LÖGRÆÐINGA TIL AÐ "FÆGJA …