SÁÁ og iKort í samstarf

SÁÁ og iKort hafa gert samning um útgáfu sérstakra fyrirframgreiddra greiðslukorta frá MasterCard fyrir velunnara SÁÁ. Hluti af tekjum vegna notkunar iKorthafa mun renna til SÁÁ. Um er að ræða tekjur af nýjum korthöfum sem SÁÁ mun safna, en Viktor Ólason, stjórnarmaður iKorts segir að miðað sé við að hver nýr korthafi skili sér í um 10 þúsund króna stuðningi við SÁÁ á ári.

Í dag nemur stuðningur velunnarra SÁÁ um 20% af öllum kostnaði við meðferðir hjá SÁÁ, að því er segir í tilkynningu frá félögunum. Þar kemur einnig fram að iKortið sé eina greiðslukortið á landinu sem ekki er gefið út af banka eða félagi í eigu banka.

• Blogga um frétt