Neytendastofa hefur ákveðið að sekta fyrirtækið Eggert Kristjánsson hf. um hálfa milljón þar sem upplýsingar um upprunamerkingar vantaði á umbúðir. Ábending barst stofnuninni í ágúst síðastliðnum.
Ábendingin sneri að því að merkingar og útlit umbúða vörunnar gæfu tilefni til að ætla að um íslenska ræktun sé að ræða.
Árið 2009 tók Neytendastofa ákvörðun um að Eggert Kristjánsson hf. hafi brotið gegn góðum viðskiptaháttum með því að veita neytendum villandi upplýsingar um uppruna frosins grænmetis sem selt er undir vörumerkinu Íslenskt meðlæti.
Í kjölfar ákvörðunarinnar var bætt við upplýsingum á umbúðum vörunnar um uppruna hennar og var afskiptum Neytendastofu af málinu þar með lokið.
Hér má sjá ákvörðun Neytendastofu.