Ný strandlengja laði fyrirtæki upp á Skaga

Akraneskaupstaður undirbýr mikla uppbyggingu meðfram ströndinni og gömlu Sementsverksmiðjunni sem mun gjörbreyta ásýnd svæðisins.

Fjárfestar hafa þegar sýnt verkefninu áhuga. Í umfjöllun um mál þetta í ViðskiptaMogganum í dag segir Regína Ásvaldsdóttir, bæjarstjóri Akraness, að áhersla sé lögð á blandaða byggð íbúða og atvinnustarfsemi. Horft sé til ferðaþjónustu, smáiðnaðar, verslunar og hafnsækinnar þjónustu.

Hugmyndir séu um að byggja íbúðir fyrir allt að 2.000-2.500 íbúa við ströndina. Þar með talið séu íbúðir í endurbyggðum sementsturnum sem Akranesbær fær til afhendingar 2028. Regína segir uppbygginguna munu hefjast mun fyrr, eða jafnvel þegar síðla næsta árs.

• Blogga um frétt