RT Veitingar gjaldþrota

Félagið RT Veitingar ehf., sem áður hélt utan um rekstur veitingastaða Ruby Tuesday, hefur verið úrskurðað gjaldþrota. Nýr eigandi tók við rekstrinum í fyrra.

Í Lögbirtingarblaðinu í dag kemur fram að Héraðsdómur Reykjavíkur úrskurðaði félagið gjaldþrota hinn 6. janúar sl. 

Í ársreikningi RT Veitinga fyrir árið 2014 kemur fram að félagið hafi verið rekið með rúmlega nítján milljóna króna tapi. Árið 2013 nam tapið tæpum 34 milljónum króna. Í ársreikningnum segir að félagið hafi á síðustu árum borið kostnað af rekstri sem var reyndur undir merkjum Food Taxi árið 2007.

Félagið skuldaði 167 milljónir króna í lok ársins og var eigið fé neikvætt um 133 milljónir króna.

Félagið RT Veitingar var stofnað árið 1996 en fyrsti veitingastaður Ruby Tuesday var opnaður á Íslandi árið 1999. Í dag eru veitingastaðirnir tveir talsins. 

Guðmundur Arnfjörð, sem rekið hefur pítsastaðakeðjuna Pizzuna undanfarin 17 ár, tók við rekstri Ruby Tuesday í fyrra. Félagið Ruby ehf. heldur nú utan um reksturinn.

• 1 blogg um fréttina

Bloggað um fréttina

• Már Elíson: "Goodby....