Lögmenn með 185 þúsund á tímann

Tímagjaldið hjá meðeigendum á stærstu lögmannsstofunum í London hefur aldrei verið hærra og nemur allt að eitt þúsund pundum, eða 185 þúsund krónum. Almennir lögmenn taka allt að 775 pund, eða 143 þúsund krónur á tímann.

Þetta kemur fram í frétt Financial Times sem greinir frá nýrri rannsókn frá Centre for Policy Studies. Þar segir að gjaldið hafi hækkað mikið á síðustu árum.

Talið er að aukinn kostnaður geti hindrað aðgengi að dómskerfinu.

Í skýrslunni segir að nokkrar meginástæður séu fyrir hækkuninni. Í fyrsta lagi hafi flækjustig breskrar löggjafar, og þá sérstaklega skattalöggjafarinnar, aukist verulega á síðustu árum. Lengd skattabálksins hefur til að mynda þrefaldast frá árinu 1997.

Þá segir að skortur sé á gagnsæi. Mörg fyrirtæki haldi tímagjaldinu leyndu og því sé auðveldara að komast upp með hækkanir.

Auk þess hafa nokkrar stórar bandarískar lögfræðistofur opnað útibú í London á síðustu árum og hefur samkeppni um góða lögmenn þar með aukist verulega. Launakostanaður hækkar og tímagjaldið með.

Frétt Financial Times.

• 1 blogg um fréttina

Bloggað um fréttina

• Jens Guð: Spaugileg réttarhöld