Félagið H19 ehf., sem áður hét Hópkaup ehf. hefur verið lýst gjaldþrota. Félagið hét samkvæmt fyrirtækjaskrá Hópkaup árið 2014, en á árinu 2015 var því breytt í H19. Í ágúst sama ár keypti félagið Móberg Hópkaup, ásamt Leit.is. Skiptafundur kröfuhafa hefur verið boðaðar 26. apríl.
Hópkaup er enn þann dag í dag rekið sem fyrirtæki sem býður upp á vörur og þjónustu með afslætti í gegnum vefsíðu sína náist ákveðinn lágmarksfjöldi kaupenda. Félagið er í dag rekið á kennitölu sem hefur undanfarin fjögur ár haft fjögur mismunandi nöfn. Árið 2012 hét félagið Evaluator ehf., árið 2013 hét það egíró ehf. og árið 2014 hét það 1808 ehf. Í dag heitir það eins og áður segir Hópkaup ehf. Á vefsíðu Póst- og fjarskiptastofnunar er 1808 ehf. skráð sem fjarskiptafyrirtæki sem veiti upplýsingaþjónustu með símanúmer.