Beyoncé notar Airbnb

Vinsældir Airbnb hafa aukist gífurlega á síðustu árum og sífellt fleiri velja að bóka gistingu í gegnum síðuna í stað þess að fara á hefðbundin hótel. Þetta virðist jafnt eiga við um frægar stórstjörnur og alla aðra.

Söngkonan Beyoncé vakti athygli í vikunni þegar hún birti mynd af sér á Facebook undir yfirskriftinni „It was a Super weekend“ eða „Þetta var ofurhelgi“ og merkti síðan Airbnb.

Beyoncé tróð upp á ofurskálinni á sunnudag og leigði hús í gegnum síðuna um helgina. Sérfræðingar hafa grafið upp húsið sem Beyoncé leigði en það er í Los Altos hæðunum í Kaliforníu og kostar nóttin 9.240 evrur, eða um 1,3 milljónir íslenskra króna. Hér er hægt að bóka húsið sem er með fimm svefnherbergjum og rúmar tíu gesti.

Stofan er nokkuð rúmgóð. Mynd/Airbnb

Mynd/Airbnb

Nú geta allir sem eiga 1,3 milljónir fyrir nóttina leigt sama hús og Beyoncé. Mynd/Airbnb

Húsið er í Kaliforníu Mynd/Airbnb

• Blogga um frétt