Fjórðungur segir skort á starfsfólki

Rúmlega fjórðungur stærstu fyrirtækja landsins telja skort á starfsfólki vera í landinu, en það eru fyrirtæki í byggingariðnaði, flutningageiranum og ferðaþjónustu sem telja skortinn vera mestan. Þetta kemur fram í vetrarkönnun Gallup meðal 400 stærstu fyrirtækja landsins, en sagt er frá niðurstöðunni í Peningamálum Seðlabankans sem kom út í dag.

Hefur talan hækkað um 13 prósentustig frá því á sama tíma í fyrra. Tæplega 60% fyrirtækja í byggingariðnaði og rúmlega 40% fyrirtækja í flutningum og ferðaþjónustu töldu sig búa við skort á starfsfólki.

• Blogga um frétt