Ríkissjóður ræður nú yfir 20% óbeinum eignarhlut í fjármögnunarfyrirtækinu Lýsingu eftir að hafa eignast 17,6% hlut í eignarhaldsfélaginu Klakka, sem áður hét Exista.
Fjármálaeftirlitið tilkynnti á heimasíðu sinni í gær að ríkissjóði Íslands væri heimilt að eiga 20% virkan eignarhlut með óbeinni hlutdeild í Lýsingu.
Hluturinn sem um ræðir kemur í eigu ríkisins vegna stöðugleikaframlags Kaupþings sem hefur átt hlutinn í Klakka, að því er fram kemur í ViðskiptaMogganum í dag.