8,2 milljarða króna velta

Alls var 88 kaupsamningum og afsölum um atvinnuhúsnæði á höfuðborgarsvæðinu þinglýst í janúar sl. Heildarfasteignamat seldra eigna var 6.879 milljónir króna. Af þessum skjölum voru 28 um verslunar- og skrifstofuhúsnæði.

Þjóðskrá Íslands greinir frá þessu.

Á sama tíma var 51 skjali um atvinnuhúsnæði utan höfuðborgarsvæðisins þinglýst. Heildarfasteignamat seldra eigna var 1.437 milljónir króna.

Þá voru 44 kaupsamningar um atvinnuhúsnæði á höfuðborgarsvæðinu skráðir í kaupskrá í janúar. Heildarupphæð þeirra var 2.935 milljónir króna og fasteignamat þeirra eigna sem samningarnir fjölluðu um 2.481 milljón króna. Af þessum samningum voru 14 um verslunar- og skrifstofuhúsnæði á höfuðborgarsvæðinu.

Á sama tíma voru 18 kaupsamningar um atvinnuhúsnæði utan höfuðborgarsvæðisins skráðir í kaupskrá. Heildarupphæð þeirra var 739 milljónir króna og fasteignamat þeirra eigna sem samningarnir fjölluðu um 508 milljónir króna.

• Blogga um frétt