Hótelherbergin ellefu á Hótel Adam við Skólavörðustíg sem lögreglan innsiglaði fyrir tæpum þremur vikum eru ennþá lokuð. Þetta staðfestir Jó­hann Karl Þóris­son, aðstoðar­yf­ir­lög­regluþjónn, í samtali við mbl og segir að eigandi hótelsins hafi ennþá ekki orðið sér úti um tilskilin leyfi.

Eig­andinn er aðeins með leyfi fyr­ir níu her­bergj­um en hefur hins vegar leig­t út tuttugu herbergi. Aukaherbergin eru ýmist í bakhúsi við Lokastíg eða í húsnæðinu við Skólavörðustíg. Herbergin verða lokuð þar til eigandinn hefur fengið leyfi frá lög­regl­unn­i, heil­brigðis­eft­ir­liti, bygg­ing­ar­full­trúa og bruna­varna­eft­ir­liti. 

Full­trú­ar heil­brigðis­eft­ir­lits­ins og sýslu­manns létu lög­regl­una vita af leyf­is­lausu her­bergj­un­um er þeir voru að skoða hús­næðið en líkt og fram hefur komið var gest­um ráðlagt að kaupa frek­ar vatn í sér­merkt­um flösk­um á fjög­ur hundruð krón­ur í stað þess að drekka úr kran­an­um.

Síðan hefur rannsókn Heilbrigðiseftirlits Reykja­vík­ur leitt í ljós að kranavatnið á hótelinu er í góðu lagi.

Mbl hefur ítrekað reynt að ná tali af Ragn­ari Guðmunds­syni, eiganda hótelsins, en hann ætlar ekki að svara spurningum fjölmiðla.

Neytendastofa er ennþá með vatnssölu hótelsins til skoðunar.

Tengdar fréttir

Hótel Adam

Lögreglan lokaði Hótel Adam í dag

• Greiði 2 milljónir í vangoldin laun
• Konan starfaði á Hótel Adam
• Vatnssalan ólögleg á Hótel Adam
• Flöskuvatnið var úr krananum

» Fleiri tengdar fréttir

• Blogga um frétt