Beið í 10 tíma eftir kleinuhring
Setja bókamerki
Þeim fækkar sem mæta við opnun á nýjum Dunkin' Donuts og bíða í röð til að tryggja sér ársbirgðir af kleinuhringjum. Umframeftirspurn var þó ennþá til staðar í morgun þegar þriðji staður keðjunnar var opnaður við Hlíðasmára þar sem hátt í þrjátíu manns biðu eftir tuttugu árskortum.
Við opnun fyrsta staðarins fyrir sjö mánuðum síðan biðu hátt í 200 manns í röðinni og við opnun í Kringlunni mættu um fjörtíu til fimmtíu manns í röðina.
Nýi staðurinn er inni í 10-11 versluninni á Shellstöðinni við Smáralind og tekur um 25 manns í sæti. Eins geta viðskiptavinir keypt veitingar í bílalúgu, en staðurinn er sá fyrsti í Evrópu sem veitir slíka þjónustu.
Dunkin Donuts' var opnaður klukkan níu í morgun og voru í boði tuttugu svokölluð árskort, sem veita handhafa vikulegan kassa af kleinuhringjum í eitt ár.
Fyrsti gesturinn, Gunnlaugur Friðberg Margrétarson, gerði sér sérstaka ferð frá Selfossi en hann var mættur klukkan 23 í gærkvöldi og beið þar með í tíu klukkustundir.
Á næstu 4 fjórum árum stendur til að opna 13 staði til viðbótar og verða þeir bæði á höfuðborgarsvæðinu og utan þess.
Handtekin eftir að tvö börn fundust látin
„Hvílir mikil leynd yfir þessu öllu“
„Skýr skilaboð til Seðlabankans“
Tóku upp hanskann fyrir leikskólabörn
Vona að Orkustofnun veiti ekki virkjunarleyfi
Handteknir eftir myndatöku í Vesturbæjarlaug
„Á réttri leið en nokkuð í land ennþá“
Verðbólgan komin niður í 6%