Verulegt skattahagræði hjá Vilhjálmi

Félagið Meson Holding S.A. sem Vilhjálmur Þorsteinsson, fjárfestir og fyrrverandi gjaldkeri Samfylkingarinnar, átti í Lúxemborg naut verulegs skattahagræðis og var skattfrjálst að mestu.

Líkt og fram kemur í umfjöllun Morgunblaðsins í dag var félagið svokallað 1929-félag en það þýðir að félagið var stofnað á grundvelli löggjafar um eignarhaldsfélög frá árinu 1929.

Í mars 2010 var hlutverk félagsins hins vegar endurskilgreint og virðist það hafa haldið því skipulagi síðan. 

Frétt mbl.is: Á þremur aflandseyjum

Í umfjöllun Viðskiptablaðsins um 1929-félög kemur fram að félögin sem féllu undir ákvæði laganna greiddu ekki tekjuskatt heldur einungis árlegt gjald sem nam 0,2% af eigin fé félagsins. Hagnaður skipti þar ekki máli.

Þá var ekki haldið eftir afdráttarskatti þegar arður var greiddur út úr félaginu en það er skattur sem greiddur er hér á landi vegna tekna erlendra aðila.

Lögunum í Lúxemborg var hins vegar breytt eftir að framkvæmdastjórn Evrópusambandsins taldi fyrirkomulagið ósamrýmanlegt lögum ESB. Breytingarnar tóku gildi í ársbyrjun 2007 en félög sem voru stofnuð fyrir þann tíma nutu skattfríðindanna fram til ársloka 2010.

• 1 blogg um fréttina

Bloggað um fréttina

• Kristbjörn Árnason: Fjármálaráðherra er hagsmuna aðili þegar kemur að skattamálum þeirra sem …