Landsbankinn auglýsir í dag til sölu allan eignarhlut sinn í fjárfestingarfélaginu Eyri Invest. Er um að ræða 23,3% alls hlutafjár í félaginu.
Í auglýsingunni kemur fram að Eyrir Invest á 29,3% hlut í Marel hf. og 33,7% hlut í fjárfestingarfélaginu Eyrir Sprotar slhf. sem fjárfestir í nýsköpunarfyrirtækjum. Var eiginfjárhlutfall Eyris 54,5% um síðustu áramót.
Steinþór Pálsson, bankastjóri Landsbankans, segir það hafa verið stefnu bankans að minnka stöður í óskráðum hlutabréfum og hafi áður komið fram að bankinn hefði í hyggju að selja hlut sinn í Eyri Invest.