Þrír stórir aðilar á íslenskum fjármálamarkaði keyptu bréf í HB Granda að nafnvirði 28,5 milljónir króna í útboði sem Arion banki annaðist fyrir Hampiðjuna.
Þar bauð fyrirtækið til kaups ríflega 160 milljónir hluta sem verið hafa í eigu þess, að því er fram kemur í ViðskiptaMogganum í dag.
Hjörtur Erlendsson, forstjóri Hampiðjunnar, segir að útboðið hafi falið í sér könnun á því hvort hægt væri að fjármagna kaup fyrirtækisins á færeyska fyrirtækinu P/F Von með öðrum hætti en aðeins lántöku. „Þau kaup eru að fullu fjármögnuð og því er engin pressa á okkur í þessum efnum,“ segir Hjörtur.