„Bara að lyfta höndunum jafnhátt, það tók okkur þrjá mánuði,“ segir Sigrún Eva Ármannsdóttir þegar hún rifjar upp undirbúninginn fyrir Eurovision-keppnina árið 1992 þar sem hún flutti lagið Nei eða Já ásamt Sigríði Beinteinsdóttur og Stjórninni sem hét Heart 2 Heart á erlendri grund.
Rætt er við Sigrúnu í þætti vikunnar af Fagfólkinu en hún er forstöðumaður veflausna hjá Advania og er menntaður tölvunarfræðingur. Hún segir það skemmtilegasta við vinnuna vera að setja sig í hugarheim viðskiptavinanna í þarfagreiningum. Þannig kynnist hún mörgum hliðum samfélagsins.
Fagfólkið er samstarfsverkefni Samtaka Iðnaðarins og mbl.is.