Tekjur sænsku tónlistarveitunnar Spotify jukust um meira en 80% í fyrra en félaginu hefur þó ekki enn tekist að skila hagnaði. Tekjurnar námu 1,95 milljörðum evra, sem nemur um 273 milljörðum króna, á síðasta ári.
Tap félagsins jókst um 7% á milli ára, að því er segir í frétt breska ríkisútvarpsins, og nam 173 milljónum evra.
Eins og áður segir jukust tekjurnar um 80% en tekjuvöxturinn var 45% árið þar á undan.
Helsti útgjaldaliður félagsins eru höfundarréttargreiðslur til tónlistarmanna.
Í tilkynningu frá félaginu kemur fram að tekjur vegna auglýsinga hafi næstum því tvöfaldast í fyrra og þá hafi notendum veitunnar einnig fjölgað töluvert.
Í lok seinasta árs voru virkir notendur 89 milljónir talsins, en 28 milljónir greiða áskriftargjald.
Forsvarsmenn félagsins segjast ætla að forgangsraða fjárfestingum sínum. Samkeppnin fari harðnandi, meðal annars með tilkomu tónlistarveitunnar Apple Music sem kom á markað í fyrra. Rhapsody, Tidal og Deezer bjóða einnig upp á sambærilega þjónustu. Spotify er þó enn leiðandi á markaðinum.
Setja bókamerki
Ísraelar hefna árásarinnar
Innviðir þandir og álagið „gríðarlegt“
/frimg/9/40/940831.jpg)
Telur eyðsluna munu rjúka upp úr öllu valdi
Hyggjast leyfa fólki að skoða gosið
Færa slökkviliðið til nútímans
„Menn eru bara búnir að forgangsraða“
Segjast hafa skotið niður langdræga sprengjuvél