Gjaldþrotaskiptum er lokið hjá félaginu BG Newco 6 ehf. Félagið var dótturfélag Baugs Group og skráð í höfuðstöðvum Baugs að Túngötu 6, líkt og fjölmörg önnur félög.
Gjaldþrotaskiptum á Túngötufélögunum er óðum að ljúka en þetta þrot er heldur minna en þau sem nýlega hefur verið greint frá. Engar eignir fundust í félaginu en kröfur hljóðuðu upp á 2,5 milljónir króna.
Félagið skilaði aldrei ársreikningi en fleiri sambærileg félög voru upphaflega skráð að Túngötu; allt frá BG Newco 1 ehf. til BG Newco 6 ehf. Rúnar Sigurpálsson, sem var forstöðumaður á fjármálasviði Baugs, var stjórnarmaður félaganna.
Í síðustu viku var skiptum lokið á félaginu BG Holding ehf. og fékkst ekkert greitt upp í lýstar kröfur er námu rúmum 130 milljörðum króna. BG Holding var dótturfélag Baugs Group hf. og meðal fjárfestinga félagsins voru matvöruverslanirnar Iceland Foods, verslunarmiðstöðvar House of Fraser og leikfangaverslanir Hamley's.
Frétt mbl.is: Ekkert greitt upp í 130 milljarða
í síðasta mánuði var þá skiptum á félaginu BG Fasteignum ehf. lokið. Aðeins fékkst rúm ein milljón króna greidd upp í kröfurnar sem hljóðuðu upp á rúma sautján milljarða. Félagið hélt m.a. utan um vaxmyndasafnið Madame Tussaud í London.
Frétt mbl.is: 17 milljarða gjaldþrot Baugs-félags
Tugir félaga voru skráðir í höfuðstöðvum Baugs að Túngötu. Þar á meðal: 3650 ehf., A-Holding ehf., Al-Coda ehf., Arctic Holding ehf., Arctic Investment ehf., Arena Holding ehf., Arpeggio ehf., Á bleiku skýi ehf., Baugur Group hf., BG Aviation ehf., BG bondholders ehf., BG Equity 1 ehf., BG Holding ehf., BG Newco 2 ehf., BG Newco 4 ehf., BG Newco 5 ehf., BG Ventures ehf., BGE Eignarhaldsfélag ehf., BJF ehf., DBH Holding ehf., Dial Square Holdings ehf., F-Capital ehf., GJ Tónlist ehf., Gott betur ehf., Græðlingur ehf., Hrafnabjörg ehf., Hugverkasjóður Íslands ehf., Hvítárbakkablómi ehf., Ís-rokk ehf., J.Ól ehf., Jötunn Holding ehf., Maccus ehf., M-holding ehf., Milton ehf., M-Invest ehf., Nelson ehf., Norðurljós hf., Popplín ehf., Retail solutions ehf., Skuggar ehf., Sólin skín ehf., Sports Investments ehf., Starfsmannafélag Baugs, Stoðir Invest ehf., STP Toys, Styrktarsjóður Baugs Group, Styrkur Invest ehf., Tónlistarfélagið litur ehf., Unity Investments ehf., Unity One ehf.