Svona verður Costco
Hér má sjá væntanlegt útlit verslunar Costco í Kauptúni.
Teikning/KRADS & THG arkitektar
Setja bókamerki
Stefnt er að því að opna stórverslun Costco í Kauptúni í Garðabæ í nóvember og framkvæmdir hefjast á næstu vikum. Meðfylgjandi teikningar sýna væntanlegt útlit verslunarinnar og bensínstöðvar hennar sem verður með tólf dælum.
Undirbúningur hefur staðið lengi yfir en fyrst var greint frá áhuga Costo í mars 2014. Nokkrar staðsetningar komu til skoðunar áður en verslunarrisinn ákvað að flytja í Garðabæinn. Í desember sama ár staðfestu forsvarsmenn að verslunin yrði opnuð í Kauptúni og hefur málið legið í nefndum síðan. Bæjarráð Garðabæjar veitti í byrjun maí lokasamþykki og eins samþykkti Skipulagsstofnun breytt deiliskipulag fyrir svæðið.
Húsnæðið að Kauptúni verður stækkað nokkuð til að hýsa verslunina sem alls verður 14 þúsund fermetrar en hún mun standa við hlið Bónuss, líkt og sjá má á grunnteikningunni hér að neðan.
Undirbúningur hefur staðið lengi yfir en fyrst var greint frá áhuga Costo í mars 2014. Nokkrar staðsetningar komu til skoðunar áður en verslunarrisinn ákvað að flytja í Garðabæinn. Í desember sama ár staðfestu forsvarsmenn að verslunin yrði opnuð í Kauptúni og hefur málið legið í nefndum síðan. Bæjarráð Garðabæjar veitti í byrjun maí lokasamþykki og eins samþykkti Skipulagsstofnun breytt deiliskipulag fyrir svæðið.
Húsnæðið að Kauptúni verður stækkað nokkuð til að hýsa verslunina sem alls verður 14 þúsund fermetrar en hún mun standa við hlið Bónuss, líkt og sjá má á grunnteikningunni hér að neðan.
Verslunin stendur við hlið Bónuss og vörulagers IKEA.
Teikning/KRADS & THG arkitektar
Búist er við að 160 starfsmenn verði ráðnir í byrjun en þeir verða að líkum 250 talsins eftir þrjú ár.
Í nýlegu samtali við Morgunblaðið sagði Steve Pappas, framkvæmdastjóri Costco í Bretlandi, að talsvert úrval af íslenskum vörum og þá einkum ferskvörum yrði á boðstólum í versluninni. Viðskiptavinir þurfa að greiða ársgjald til að kaupa vörur í búðinni en að sögn Pappas hefur upphæð gjaldsins hér á landi ekki verið ákveðin. Í Bandaríkjunum kostar slík aðild 55 dollara, eða tæpar 7.500 krónur. Úrvalsaðild, sem ber ýmsa kosti með sér, kostar 110 dollara, eða tæplega 15.000 krónur.
Í fundargerð bæjarráðs Garðabæjar frá 10. maí sl. segir að byggingarleyfi fyrir tólf bensíndælum verði gefið út til Costco en forsvarsmenn verslunarinnar höfðu áður sótt um leyfi fyrir sextán dælum.
Í nýlegu samtali við Morgunblaðið sagði Steve Pappas, framkvæmdastjóri Costco í Bretlandi, að talsvert úrval af íslenskum vörum og þá einkum ferskvörum yrði á boðstólum í versluninni. Viðskiptavinir þurfa að greiða ársgjald til að kaupa vörur í búðinni en að sögn Pappas hefur upphæð gjaldsins hér á landi ekki verið ákveðin. Í Bandaríkjunum kostar slík aðild 55 dollara, eða tæpar 7.500 krónur. Úrvalsaðild, sem ber ýmsa kosti með sér, kostar 110 dollara, eða tæplega 15.000 krónur.
Í fundargerð bæjarráðs Garðabæjar frá 10. maí sl. segir að byggingarleyfi fyrir tólf bensíndælum verði gefið út til Costco en forsvarsmenn verslunarinnar höfðu áður sótt um leyfi fyrir sextán dælum.
Bensíndælurnar verða tólf talsins.
Teikning/KRADS & THG arkitektar
Costco selur Kirkland Signature bensín á um 400 bensínstöðvum víðs vegar um Bandaríkin og er það yfirlýst stefna Costco að bjóða eldsneyti á lægra verði en keppinautar.
Í umsókn Costco sagði að bensínstöðin yrði sjálfsafgreiðslustöð en þó með starfsmanni á staðnum til aðstoðar við viðskiptavini. Miðað er við að stöðin verði opin milli sex á morgnana og tíu á kvöldin og styttra um helgar. Bensíndælurnar við Costco verða einungis fyrir félaga í klúbbi verslunarkeðjunnar
Í Costco verður einnig boðið upp á þjónustu á borð við apótek, sölu sjóntækja og sjónmælingu, dekkjasölu og dekkjaverkstæði, bakarí og sælkeraverslun.
Nauðsynlegt er að stækka húsið nokkuð og hér má sjá umfangið.
Teikning/KRADS & THG arkitektar
Hæstiréttur staðfestir vanhæfi alls Landsréttar
Sárt að horfa upp á illa meðferð fjármuna
Segjast ekki vera á kaldri slóð
Ný staða uppi og óvissan meiri
Unnu að fullum heillindum að kaupum á TM
Hyggjast leyfa fólki að skoða gosið
Mikilvægt að vera á tánum
Bjarkey stendur við skammarbréf Svandísar