Reykjavík Residence Hotel hefur sóst eftir því að fá að opna íbúðagistingu á efri hæðum hússins við Skipholt 11 til 13. Umhverfis- og skipulagsráð hefur nú hafnað því og segir mikilvægt að standa vörð um skipulögð íbúðarsvæði í borginni.
Umsókn arkitektastofan Ark Studio og RR hótela var tekin fyrir á fundi umhverfis- og skipulagsráðs Reykjavíkurborgar í síðustu viku. Óskað var eftir breytingu á skilmálum deiliskipulags svæðisins til að hægt væri að opna gististað í húsinu.
Með umsókninni fylgdi samþykki meðlóðarhafa.
Var umsókninni hafnað á fundinum og segir í bókun ráðsins að nýlegt deiliskipulag hafi verið gert á forsendum íbúðarbyggðar og sé mikilvægt að standa vörð um þegar skipulögð íbúðarsvæði í borginni.
Umrætt húsnæði er mjög nýlega uppgert og var verslun Bónuss opnuð á neðri hæðinni síðasta haust.