Um þrjár trilljónir dollara þurrkuðust út af alþjóðamörkuðum á föstudag og mánudag í kjölfar ákvörðunar Breta um að yfirgefa Evrópusambandið. Þetta er mesta tap sögunnar á tveimur dögum og toppar einnig haustmánuðina 2008.

Til upplýsingar er ein trilljón alls milljón milljónir.

Í frétt CNN Money er bent á að stærra tap á síðustu dögum megi rekja til þess að gengi hlutabréfa sé almennt hærra í dag. Helstu hlutabréfavísitölur héldu áfram að lækka í dag og nemur lækkunin um tveimur prósentustigum á flestum evrópskum mörkuðum.

Þróunin er hins vegar önnur hér á landi og hefur Kauphöllin tekið aftur við sér eftir mikið tap í gær og á föstudag. Úrvalsvísitalan hefur hækkað um 2,61 prósentustig í dag og einungis hafa bréf HB Granda lækkað um 0,34 prósentustig. Mesta hækkunin er hjá Icelandair, eða 3,85 prósent, en félagið leiddi einnig lækkanir síðustu daga.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt