Dýrast á leik Íslands og Frakklands
Setja bókamerki
Ef horft er til verðlags á miðum á leiki í átta liða úrslitum EM virðist vinsælla að sjá Aron Einar Gunnarsson á vellinum en Ronaldo. Miðar á leik Íslands og Frakklands eru dýrastir á öllum miðabraskssíðum sem mbl kannaði.
Gera má ráð fyrir að sérstaklega mikil spurn sé eftir miðum á leikinn sökum þess að hann er í Frakklandi og er því auðvelt fyrir heimamenn að mæta á völlinn til að fylgjast með sínu liði. Hins vegar er varla hægt að líta fram hjá því að Ísland hefur vakið mikla athygli á mótinu og fangað athygli fjölmiðla og áhorfenda. Gera má því ráð fyrir að einhverjir hafi áhuga á að fylgjast með litla Íslandi leika gegn Frakklandi á sunnudaginn.
Miðar á alla leiki í átta liða úrslitum voru verðlagðir á sama hátt hjá UEFA; 45, 85, 135 og 195 evrur, eða frá 6.200 krónum upp í 26.900 krónur. Miðasala hófst í hádeginu í gær og varð fljótlega uppselt á 80.000 manna völlinn.
Miðarnir voru fljótir að rata á miðabraskssíður á uppsprengdu verði og á síðunni Check Football Tickets má t.d. fá miða á verðbilinu 429 til 703 evrur, eða frá 59.000 til 97.000 krónur. Til samanburðar má nefna að miðar á leik Portúgals og Póllands í Marseille kosta frá 134 til 341 evru, eða 18.500 til 47.000 krónur.
Á síðunni Seatwave kosta miðar á leik Ísland og Frakklands allt frá 399 til 1.990 evra, eða 55.000 til 274.000 krónur, en miðar á leik Portúgals og Póllands eru í boði fyrir allt frá 217 til 499 evra, eða frá 30.000 til 69.000 króna.
Það sama er síðan í gangi á síðunni Viagogo, en þar má fá miða á leik Íslands og Frakklands fyrir allt frá 427 dollurum, eða 53.000 krónum, en miðar á leik Portúgals og Póllands kosta frá 120 dollurum, 15.000 krónum.
Færa slökkviliðið til nútímans
Hafa „ágætis tíma“ til úrbóta
Hyggjast leyfa fólki að skoða gosið
Bjarkey stendur við skammarbréf Svandísar
Sárt að horfa upp á illa meðferð fjármuna
Aðkoman í gripahúsið mjög slæm
Hæstiréttur staðfestir vanhæfi alls Landsréttar
Segjast ekki vera á kaldri slóð