Jón Viðar framkvæmdastjóri hjá ÍSAM

Jón Viðar Stefánsson hefur verið ráðinn framkvæmdastjóri markaðs- og sölusviðs ÍSAM. Í tilkynningu frá fyrirtækinu kemur fram að Jón Viðar hafi mikla reynslu á sviði sölu- og markaðsmála, sem og af rekstri, en hann hefur áður starfað sem markaðsstjóri Coca-Cola hjá Vífilfelli, markaðsstjóri Húsasmiðjunnar og framkvæmdastjóri Áberandi ehf.

„ÍSAM er spennandi fyrirtæki og regnhlíf yfir mörg stór og sterk vörumerki sem Íslendingar nota á hverjum degi, s.s. BKI kaffi, ORA, Ariel, Gillette, Pampers svo fáein séu nefnd. Það er spennandi að vera þátttakandi í að móta framtíðarstefnu fyrirtækisins,“ er haft eftir Jóni Viðari í tilkynningu. 

Jón Viðar er með B.Sc. gráðu í markaðsfræðum frá Háskólanum í Reykjavík. Eiginkona hans er Auður Kristín Þorgeirsdóttir go eiga þau fjögur börn. Þá er Jón Viðar Vestmannaeyingur og ötull stuðningsmaður ÍBV.

• Blogga um frétt