Davíð Oddsson, ritstjóri Morgunblaðsins, er tekjuhæstur í flokki fjölmiðlafólks með 3,6 milljónir í tekjur á mánuði. Haraldur Johannessen, framkvæmdastjóri og ritstjóri Morgunblaðsins, er í öðru sæti með 2,4 milljónir á mánuði. Páll Magnússon, fyrrverandi Útvarpsstjóri og núverandi þáttastjórnandi er í þriðja sæti með 2,2 milljónir í mánaðartekjur. Þetta kemur fram í tekjublaði Frjálsrar verslunar sem kom út í morgun.

Ragnhildur Sverrisdóttir, kynningarfulltrúi Björgólfs Thors Björgólfssonar er fjórða á listanum með 1,9 milljón á mánuði. Björn Ingi Hrafnsson, útgefandi Vefpressunnar og DV er í fimmta sæti listans með tæplega 1,9 milljón á mánuði.

Í blaðinu er birt­ur listi yfir tekj­ur rúm­lega 3.725 Íslend­inga. Könn­un­in bygg­ist á álögðu út­svari eins og það birt­ist í álagn­ing­ar­skrám. Frjáls versl­un árétt­ar að í ein­hverj­um til­vik­um kann að vera að skatt­stjóri hafi áætlað tekj­ur.

Páll Magnússon, stjórnandi Sprengisands.

 Í tekju­blaði Frjálsr­ar versl­un­ar er tekið fram að um út­vars­skyld­ar tekj­ur á ár­inu 2015 sé að ræða og þurfa þær ekki að end­ur­spegla föst laun viðkom­andi. „Mun­ur­inn get­ur fal­ist í laun­um fyr­ir setu í nefnd­um og önn­ur auka­störf og hlunn­indi vegna kauprétt­ar­samn­inga. Jafn­framt hafa marg­ir tekið út sér­eign­ar­sparnað en hann telst með í út­svars­skyld­um tekj­um,“ seg­ir í blaðinu.

Meðal annarra fjölmiðlamanna sem finna má á listanum eru Ómar R. Valdimarsson, fréttamaður Bloomberg, með 1,7 milljón og í sjöunda sæti, Egill Helgason, dagskrárgerðarmaður á RÚV með 1,4 milljón og í áttunda sæti og Kolbrún Bergþórsdóttir, ritstjóri DV, með 1,4 milljón á mánuði.

Logi Bergmann Eiðsson, fréttamaður á Stöð 2, var í fyrra með 1,1 milljón í tekjur á mánuði, Rakel Þorbergsdóttir, fréttastjóri RÚV með 1 milljón og Agnes Bragadóttir, blaðamaður á Morgunblaðinu með tæplega eina milljón. Þá er Sigurður Már Jónsson, upplýsingafulltrúi ríkisstjórnarinnar með 991 þúsund og Sigmar Guðmundsson, dagskrárgerðarmaður á RÚV, með 858 þúsund.

Rakel Þorbergsdóttir, fréttastjóri RÚV.

Tengdar fréttir

Skattar á Íslandi

Búsettur erlendis en þarf að greiða skatta á Íslandi

• Frestur til að framlengja nýtingu að renna út
• Bunki af fyrirspurnum vegna vaxtabóta
• Harma birtingu álagningarskráa
• Læknar hækka mest milli ára

» Fleiri tengdar fréttir

• Blogga um frétt