EasyJet hefur hafið viðræður við flugmálayfirvöld Evrópusambandsins um að færa höfuðstöðvar flugfélagsins frá Bretlandi. Ástæðan er úrsögn Breta úr sambandinu og áhrifin af þeirri ákvörðun á viðskiptalífið í landinu.

Í frétt Sky-sjónvarpsstöðvarinnar um málið segir að forstjóri easyJet, Carolyn McCall, hafi í þessari viku rætt það við sína nánustu undirmenn að flutningur höfuðstöðvanna frá Bretlandi sé næstum því óumflýjanlegur í kjölfar þjóðaratkvæðagreiðslunnar.

Fram kemur í frétt Sky að marga mánuði muni taka að skipuleggja flutninginn en heimildarmaður sjónvarpsstöðvarinnar innan easyJet segir að þegar hafi verið rætt við nokkur aðildarríki ESB um möguleika á flutningi þangað.

Frétt Sky.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt