„Við eigum eftir að selja í átta sæti en við erum að fara út, ég er búinn að græja þetta allt og þetta er klárt,“ segir Grétar Sigfinnur Sigurðarson sem leigt hefur flugvél sem fer frá Reykjavíkurflugvelli til Frakklands á sunnudag. 

Frétt mbl.is - 15 sæti eftir í leiguflugi Grétars 

Flogið verður frá Reykjavíkurflugvelli á milli sjö og átta á sunnudagsmorgun og aftur heim nóttina eftir leikinn. Flugmiðinn fram og til baka kostar 154.900 krónur en einnig er hægt að kaupa miða á leikinn af Grétari Sigfinni. „Við erum með fullt af miðum í gegnum miðlara sem hefur verið að selja á leiki í ensku deildinni en hann selur þetta á sínu verði,“ segir Grétar Sigfinnur.

Grétar Sigfinnur hefur út morgundaginn til að selja í vélina en þá þarf að skila nafnalistum fyrir flugið. Hann hefur engar áhyggjur af því að ekki náist að selja í vélina en segir þó að salan hafi gengið hægar en hann vonaði. „Ef við náum ekki að selja þessi átta sæti þá er það bara ég sem verð ekki í alveg nógu góðum málum,“ segir Grétar Sigfinnur glaður í bragði.

Flugferð ferðaskrifstofunnar Trans-Atlantic til Frakklands frá Akureyri hefur verið flautuð af þar sem ekki náðist að selja nægilega vel í hana. Þeir farþegar sem þegar voru bókaðir í flugið færðust þó í flug Grétars Sigfinns á Reykjavíkurflugvelli.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt