Leikarinn Christoph Waltz, sem er meðal annars þekktur fyrir að leika nokkra erkiskúrka í kvikmyndum, liggur ekki á skoðunum sínum varðandi Brexit. 

Í nýlegu viðtali var hann spurður um málið og álit hans á afsögn Nig­els Fara­ge, leiðtoga breska sjálf­stæðis­flokks­ins, UKIP. Þegar Farage hætti sagði hann að sigur út­göngus­inna í þjóðar­at­kvæðagreiðslunni þýddi að póli­tísk­um metnaði hans hefði verið full­nægt. „Auðvitað yfirgefur höfuðrottan sökkvandi skip,“ sagði Waltz og var ómyrkur í máli.

Hann vísaði til að reynt hefði verið að dulbúa afsögnina sem hetjulega útgöngu. Svo væri hins vegar ekki. Hérna væri verið að ganga frá sökkvandi skipi með skottið á milli lappanna, líkt og rottur gera, og skilja óreiðuna eftir fyrir aðra að hreinsa upp.

„Þetta sýnir hversu ógeðfellt þetta fólk er. Geta ekki einu sinni staðið með því sem þau gerðu.“

Segist hann fullkomlega á móti útgöngu Bretlands úr Evrópusambandinu. „Ég næ ekki utan um þessa stjarnfræðilegu heimsku.“

Nigel Farage. AFP

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Týpísk "ekki frétt" um lítið sem ekkert