Viðskiptabankarnir þrír hafa ekki sömu sýn á þróun verðlags á næstunni en gera þó allir ráð fyrir því að ársverðbólgan lækki enn frekar undir 1,6%.
Landsbankinn spáir að vísitala neysluverðs lækki um 0,1% í júlí og að ársverðbólgan verði 1,4%. Íslandsbanki spáir óbreyttri vísitölu og þar af leiðandi 1,5% verðbólgu síðastliðna 12 mánuði.
Þá spáir Arion banki 0,2% lækkun verðlags og að ársverðbólga verði 1,2% í júlí. Hagstofan mun birta júlímælingu vísitölu neysluverðs næstkomandi föstudag, 22. júlí, að því er fram kemur í Morgunblaðinu í dag.