Launavísitalan hækkaði um 1,5% frá fyrri mánuði en á síðastliðnum tólf mánuðum hefur vísitalan hækkað um 12,5%.
Hagstofa Íslands greinir frá þessu.
Þá hækkaði vísitala kaupmáttar launa um 1,3% frá fyrri mánuði og nemur hækkun síðustu tólf mánaða alls 10,7%.
Í vísitölunni gætir m.a. áhrifa kjarasamningsbundinna hækkana í samningum ríkis og sveitarfélaga við aðildarfélög Alþýðusambands Íslands, BSRB og Bandalags háskólamanna. Launavísitala er verðvísitala sem byggist á gögnum úr launarannsókn Hagstofu Íslands og sýnir breytingar á verði vinnustundar fyrir fasta samsetningu vinnutíma.