Frá Icelandair til Flugfélags Íslands

Guðmundur Óskarsson hefur verið ráðinn til Flugfélags Íslands þar sem hann verður ábyrgur fyrir sölu- og markaðsmálum. Frá þessu greinir á vef Túrista en síðastliðin átta ár hefur Guðmundur gegnt stöðu forstöðumanns sölu- og markaðsmála Icelandair. Áður hafði hann starfað sem markaðsstjóri fyrirtækisins í Skandinavíu í tvö ár og þar á undan gegnt sömu stöðu gagnvart Mið-Evrópu í jafnlangan tíma.

Í samtali við Túrista segir Guðmundur að nú hafi verið góður tímapunktur til að breyta til.

„Ég er búinn að vera í núverandi starfi hjá Icelandair síðan 2008, það eru tímamót hjá Flugfélagi Íslands með innleiðingu nýrra véla og breyttri þjónustu og ég hef áhuga á að taka þátt í þeim breytingum ásamt nýjum áskorunum.“

Bombardier Q200 vél frá Flugfélagi Íslands á Egilsstaðaflugvelli. mbl.is/Sigurður Bogi Sævarsson

Guðmundur Óskarsson.

• Blogga um frétt