Viðskiptaráð Íslands hefur lýst sig fylgjandi þeim breytingum sem lagðar eru til á tekjuskattslögum í frumvarpi sem nú liggur fyrir Alþingi.
Breytingarnar fela meðal annars í sér takmarkanir á möguleikum fyrirtækja á skattasniðgöngu á grundvelli svokallaðrar „þunnrar eiginfjármögnunar“.
Í umfjöllun um mál þetta í Morgunblaðinu í dag kemur fram, að með hugtakinu þunnri eiginfjármögnun er vísað til þess þegar félög eru fjármögnuð með lánveitingu frá tengdum aðilum og eru félög almennt talin þunnt eiginfjármögnuð ef skuldsetning þeirra gagnvart samstæðufélagi er verulega hátt hlutfall af heildarfjármögnun viðkomandi félags.