Vísitala neysluverðs hækkar um 0,34%

Vísitala neysluverðs miðuð við verðlag í ágúst 2016 er 436,4 stig og hækkaði um 0,34% frá fyrri mánuði. Vísitala neysluverðs án húsnæðis er 396,5 stig og hækkaði hún um 0,13% frá júlí. Þetta kemur fram á vef Hagstofunnar.

Þar er bent á að sumarútsölum sé víða lokið og hækkaði verð á fatnaði og skóm um 6,6% sem hafði 0,25% áhrif á vísitöluna. Kostnaður vegna búsetu í eigin húsnæði, þ.e. reiknuð húsaleiga, hækkaði um 1,5% en verð á bensíni og olíum lækkaði um 4,1% og verð á bílum lækkaði um 2,1%.

Síðastliðna tólf mánuði hefur vísitala neysluverðs hækkað um 0,9% en vísitalan án húsnæðis hefur lækkað um 0,9%.

Vísitala neysluverðs samkvæmt útreikningi í ágúst 2016, sem er 436,4 stig, gildir til verðtryggingar í október 2016. Vísitala fyrir eldri fjárskuldbindingar, sem breytast eftir lánskjaravísitölu, er 8.617 stig fyrir október 2016.

• 1 blogg um fréttina

Bloggað um fréttina

• Axel Jóhann Axelsson: Vísitalan er ekki vandamálið, en vaxtaokrið er það