Hvarf innstungu kom ekki að sök
Setja bókamerki
iPhone 7 kom í verslanir vestanhafs í vikunni. Hægt var að forpanta símann á netinu og seldust tvær útgáfur af símanum upp á mettíma, stærri gerðin iPhone 7 plús og svokölluð Jet Black-útgáfa. Símarnir verða fáanlegir í fjórum litum, gull, silfur, rósarlitum og við bætist svartur.
Helsta nýjungin á iPhone 7 er sú að innstungan fyrir heyrnartól hefur verið fjarlægð en nú eru heyrnartól tengd við símann með Bluetooth- eða Lightning-tengi sem tengt er við símann á sama stað og hleðslusnúran. Uppi varð fótur og fit á samfélagsmiðlum við þessar fréttir og lýstu margir iPhone notendur yfir óánægju sinni með að einungis verði hægt að nota þráðlaus heyrnartól með nýju útgáfunni.
Forsvarsmenn Apple voru ekki lengi að bregðast við, en breytingarnar eiga að gera símana vatnsþolnari en áður og þola ryk betur. Nú hefur Apple hins vegar kynnt til sögunnar millistykki sem gerir notendum kleift að nota heyrnartól með snúru.
Heyrnartólauppákoman virðist þó ekki hafa áhrif á sölu iPhone 7. Allar tegundir eru nú fáanlegar í netverslun Apple.
Hægt er að forpanta símann hér á landi hjá helstu söluaðilum og verða fyrstu iPhone 7 símarnir afhentir 23. september.
Hyggjast leyfa fólki að skoða gosið
Gerir ráð fyrir 150 samningum í næstu viku
Unnu að fullum heillindum að kaupum á TM
Mikilvægt að vera á tánum
Mun fara sparlega með málskotsréttinn
29 nautgripir fundust dauðir
Hafa „ágætis tíma“ til úrbóta