Breska flugfélagið EasyJet er í viðræðum um yfirtöku á þýska flugfélaginu TUIfly, samkvæmt upplýsingum innan úr stjórn þýska flugfélagsins. Með þessu er breska flugfélagið að leita til þess að halda áfram að fljúga innan ríkja Evrópusambandsins þrátt fyrir útgöngu Bretlands úr ESB.

Martin Locher, fulltrúi starfsmanna í stjórn TUIfly, segir að viðræður hafi staðið yfir í nokkurn tíma en hann ræddi við blaðamenn á fundi í Frankfurt í morgun. 

TUIfly er einnig í viðræðum við annað evrópskt flugfélag um mögulega yfirtöku. Þýska vikuritið Manager Magazin greindi frá því í gær að EasyJet hefði áhuga á að kaupa TUIfly, sem er dótturfélag ferðaskrifstofunnar TUI. Með þessu vilji flugfélagið draga úr áhrifum af Brexit.

Forstjóri EasyJet, Carolyn McCall, sagði fyrir nokkrum mánuðum að flugfélagið væri ekki í viðræðum um yfirtöku á öðrum flugfélögum en samkvæmt Manager Magazin hefur fyrirtækið breytt um stefnu til þess að koma í veg fyrir mögulegt tap vegna Brexit.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt