Verðbólgan mælist 1% í Bretlandi og jókst frá fyrra mánuði úr 0,6%. Þetta er mesta verðbólga þar í landi í tvö ár en í sögulegu samhengi er ekki um mikla verðbólgu að ræða, samkvæmt upplýsingum frá Hagstofu Bretlands. Verðhækkun á fatnaði og eldsneyti skýrir hækkun milli mánaða.

Í tilkynningu frá Hagstofunni segir að það sé einkum verðhækkun á kvenmannsyfirhöfnum sem hafði áhrif til hækkunar en þetta er mesta hækkun á milli mánaða í rúm tvö ár. Jafnframt hefur verð á hótelgistingu hækkað og verð á eldsneyti. Ekki eru neinar öruggar vísbendingar um að lækkun á gengi pundsins hafi haft veruleg áhrif til hækkunar á verði dagvöru. 

Verð á fatnaði hefur ekki hækkað um svo mikið á einum mánuði í sex ár, samkvæmt frétt BBC.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt