Heimilin stóðu undir tekjunum

Norðurál keypti í fyrra 77% af orkunni sem virkjanir Orkuveitu Reykjavíkur framleiddu. Samtals greiddi fyrirtækið 4,9 milljarða króna, sem er 41% af tekjum Orkuveitunnar af raforkusölu.

Heimili og lítil fyrirtæki, sem stunda viðskipti við OR, stóðu því undir 59% af tekjunum, þrátt fyrir að kaupa aðeins 23% orkunnar, að því er Viðskiptablaðið greinir frá.

Gjaldskrá Orkuveitu Reykjavíkur til þeirra hefur hækkað um 55% frá árinu 2010. Samningar Norðuráls hafa verið óbreyttir í mörg ár og gilda til 2028 og 2035. Fyrirtækið borgar 15 til 16 dollara fyrir megavattstundina, samkvæmt Viðskiptablaðinu.

• Blogga um frétt