87 færslur á sekúndu þegar mest var

Kortavelta Valitor jókst um 21,4% á Íslandi þegar að „Black Friday“-helgin gekk yfir nú fyrir um viku síðan. Svarti föstudagurinn, ásamt helginni allri, er orðin langstærsta viðskiptalota Valitor. Hún hefst á föstudegi og stendur fram á mánudag sem nefnist „Cyber Monday“ eða Netmánudagur.

Um 83%  viðskipta Valitor um helgina voru í Evrópu, þ.e. Bretlandseyjum og Norðurlöndum og 17% hér heima. Þessi helgarviðskipti Valitor hafa aukist um 110% í heildina frá því í fyrra. Í tilkynningu Valitor segir að um er að ræða gríðarlegt færslumagn í rauntímavinnslu og mældust 87 færslur á sekúndu þegar mest var.

Vöxturinn í Evrópu nam 160% en  vöxtur hér heima var 21.4% eins og fyrr segir.  Stærstu vöruflokkarnir eru föt, raftæki, bækur, íþróttavörur og hvers kyns gjafavörur. Í Evrópu voru  95% viðskiptanna í gegnum netverslun.

Kortafærslur hjá Valitor á Íslandi. Valitor

„Það er auðvitað bæði skemmtileg og risastór áskorun að takast á við svona mikið álag á kerfi félagsins, sérstaklega að færsluhirða þennan aragrúa af vefgreiðslum en alls fóru 1,5 milljónir færslna í gegnum okkar kerfi bara á föstudeginum.  Undirbúningurinn tók  margar vikur og reyndi mjög á hæfni og reynslu starfsfólks okkar,“ er haft eftir Viðari Þorkelssyni, forstjóra Valitor í tilkynningunni.

Það skal tekið fram að í báðum gröf­un­um frá Valitor er ekki að finna nafn­töl­ur yfir sölu held­ur lýsa þau hlut­falls­breyt­ingu milli ára.

Erlendar kortafærslur Valitor frá svörtum föstudegi til netmánudags. Valitor

• Blogga um frétt