Blómaval hefur ákveðið að lækka verð á innfluttum jólatrjám vegna styrkingar íslensku krónunnar. Danskur normannsþinur, sem lengi hefur verið vinsælasta jólatréð á Íslandi, mun í ár lækka í verði um 11-15% í verslunum Blómavals.
Þetta kemur fram í tilkynningu frá Blómavali. Þar kemur fram að Blómaval skili hagstæðara innkaupsverði vegna gengisþróunar til viðskiptavina sinna.
Enn fremur kemur fram að áætla megi að um 30-35 þúsund innflutt jólatré séu seld á Íslandi ár hvert og 10-15 þúsund íslensk tré.